4 Придобивки од кохлеарниот имплант за возрасните особи
Во прилог можете да прочитате за придобивките од поставување на кохлеарен имплант кај возрасните особи и како тој може да го подобри начинот на живот.
Возрасните особи кои носат кохлеарен имплант, чувствуваат значително подобрување во следните четири ситуации:
1.Подобра комуникацијата и односи со луѓето
Губењето на слухот честопати може да доведе до социјална изолација кај возрасните лица и може негативно да влијае на односите со партнерот. Потешкотиите во комуникацијата и разбирливоста на говорот, може да доведат до повлекување од социјалните активности, пријателите и семејството. Поставувањето на кохлеарен имплант може да ги зајакне Вашите социјални активности и односи преку подобра комуникација.
2.Наоѓање на ново хоби
Сакате да започнете ново хоби? Честопати хобито вклучува поголем број на луѓе. Една од многуте придобивки од кохлеарниот имплант е тоа што можете да се чувствувате сигурни во комуникацијата со пријателите и колегите доколку изберете некое хоби. Кохлеарниот имплант ја подобрува социјализацијата и го прави животот подинамичен.
3.Повеќе можности во работата и кариерата
Со кохлеарниот имплант секојдневните работни активности се извршуваат поефикасно, бидејќи Вашата способност да слушате и разбирате ќе биде значително поголема. Кохлеарниот имплант ќе Ви помогне полесно пратење на состаноците и настаните преполни со луѓе. Доколку студирате, кохлеарниот имплант може многу да Ви користи бидејќи посетувањето на предавањата и комуникацијата со колегите е значително полесно.
4.Подобар животен стил
Губењето на слухот може да влијае на Вашиот квалитет на живот. Па, како може кохлеарниот имплант да ги подобри многуте аспекти од Вашиот живот?
-Ќе се чувствувате сигурни при средба со пријателите во бучно кафуле или ресторан;
-Ќе се чувствувате независни знаејќи дека можете да ги слушнете сите секојдневни звуци како што се довикувањето на Вашето име, телефонот, сообраќајната сигнализација и т.н.;
-Ќе се чувствувате слободни и ќе имате поголема желба да излезете надвор и да уживате во звуците на природата околу Вас;
-Ќе сакате да бидете дел од семејните собири и да бидете во тек со најновите вести и дискусии со роднините и пријателите;
-Кохлеарниот имплант може да Ви овозможи да ја слушнете смеата на Вашето дете, пеењето на птиците или Вашата омилена музика.
Доколку размислувате за кохлеарен имплант или веќе имате, важно е да запомните дека рехабилитацијата е клучна за подобро слушање! Работењето со стручно лице за слух ќе Ви помогне да ја добиете максималната корист од Вашиот нов уред.
Прилагодено според https://blog.medel.com/4-benefits-of-a-hearing-implant-for-an-adult/